هلابك كثر ماكنت أرتجيك .. وكنت بك مغرور
هلابك كثر ماصاب : البخت حزني ولا صابك
هلابك كثر تقليب : المواجع والسهر ، والجور
كثر مازارني وجه .. الفراق ، بوحشة غيابك
هلابك كثر ماكنت المدائن .. والشرف ، والدور
كثر ماملّت .. يدين أنتظاري : تطرق أبوابك
هلابك من ثلاث : سنين ، أرددها بدون شعور
ليا حلّ المسا .. قلت المسا : جابك ولا جابك
علامك علّ ماقلبك حزين .. وخاطرك مكسور
عسى ماضاق بك : صدر الزمان ، وسهر أهدابك
علامك جيت في بالك .. صحيح تحس بي ، مشكور
وربي ماهقيت أن .. الزمن يصحى : ويصحى بك
ثلاث سنين : ملّيت الوجيه .. وضحكة المقهور
أقول اني سليت .. ولا سليت إلا عن : عتابك
ثلاث سنين : والأشواق في .. صدري عليك تفور
تهيضها الهدايا .. والقصيد ، وباقي أطيابك
ثلاث سنين : وطيوفك كريمه ، بالوهم والزور
تصُورك بعيوني .. كل ماشوقي ، تغنابك
ثلاث سنين أجي : نفس المكان الموحش المهجور
أثر حتى الأماكن .. ماتزين إلا مع : أحبابك
واثر من حب : ماينسى .. وأثر قاع الأماني بور
واثر لو هابتك : كل ( الرجال ) .. الحب ماهابك
حبيبي وفر ، أعذارك قبل ماتعتذر .. معذور
ترى قلب ٍ : عنالك مايضره ، لو تعنا بك
هلابك خل : كل إللي مضى وأقرب .. وشب النور
بقلب ٍ يشعل .. شموعك : سنين ولا تهنابك [b]
![http://[URL=http://www.pp11.com/][img]http://www.pp11.com/pic_gi](https://2img.net/i/fa/subsilver/icon_www.gif){kind=icon}